مرکزی جماعت المسلمین تینگن گنڈی کے علماء میں مزید دو کا اضافہ

امسال جامعہ اسلامیہ بھٹکل سے مرکزی جماعت المسلمین تینگن گنڈی سے وابستہ دو طلباء مولوی عبادہ بن محمد میراں بنگالی اورمولوی محمد آصف بن سلیمان ملا عالمیت سے فراغت حاصل کر رہے ہیں واضح رہے کہ اس سے قبل مذکورہ جماعت سے منسلک تقریباً تیس سے زائد علماء جامعہ اسلامیہ سے سن فراغت حاصل کر چکے ہیں اور ملک و بیرون ملک اپنی خدمات انجام دے رہے ہیں ۔ مزید براں یہ بات بھی واضح رہے کہ امسال جامعہ اسلامیہ کے شعبۂِ افتاء  سے بھی  ایک  اور طالب علم مولوی تفسیر بن ابوبکر الجی شیروری بھی فراغت حاصل کر رہے ہیں جبکہ اس سے قبل اسی شعبہ سے جماعت المسلمین تینگن گنڈی سے وابستہ دو علماء کرام جناب مولوی اسماعیل بن عبداللطیف ڈانگی اور جناب مولوی شفیق الرحمان بن حافظ عبد القادر صاحب ڈانگی بھی  فراغت حاصل کر چکے ہیں  ۔

امژو زون ٹیم حالیہ تینوں علماء کرام کے ساتھ ساتھ ناخدا برادری کے جمیع علماء کرام کو بھی ان کی عالمیت، فضیلت اور شعبۂِ افتاء سے فراغت پر مبارکباد پیش کرتے ہوئے اللہ تعالیٰ سے دعا گو ہے کہ وہ انھیں مزید علم حاصل کرکے قوم وملت کی خدمت  کرنے کی توفیق عطا فرمائے ۔آمین ۔