اسلاماژو مضبوط عمل

لکرانو ! کای تملا اسلاماژو سگریا ہاتری مضبوط عمل معلوم اشے؟

ہوس سوال ایکدا امچا رسول اللہ صلی اللہ علیہ و سلمای اپلیا صحابہ کن کیرلای ۔تیندرا صحابای جواب دیلای کہ نماز۔رسول اللہ صلی اللہ علیہ وسلمای فرمیلای نہوی۔تیجا ننتر صحابای بلیای جہاد رسول اللہ صلی اللہ علیہ وسلمای فرمیلای نہوی۔تیجا ننتر صحابای بلیای روزو۔ رسول اللہ صلی اللہ علیہ وسلمای فرمیلای نہوی۔ تیجا ننتر صحابای بلیای کہ یا رسول اللہ تمیس سانگا ۔تیندواں رسول اللہ صلی اللہ علیہ و سلمای سانگلای کہ اللہ وستا آپسات ایک دوسریا سانگاتی محبت کیروژا۔

لکرانو ! امی تیا سر سچے پکے نا مکمل مسلمان ہولا سکو نای جیا سر امی آپسات اللہ وستا ایک دوسریا سانگاتی محبت کیرو نای۔اگر امی ہی چیز سوڑون دیو تیر امچا گھرات،خاندانات نا گاوات لڑائی زہگڑا عام ہون زائل۔تیا وستا امی آپسات دشمنی کھنشی بچوچی پوری کوشش کیرولاہو۔

ماجا لاڈلیا نا پیاریا لکرانو ! کای تمی آپسات محبت پیدا کیرون دشمنی ختم کیروچے چیزو جانتاو؟ہیے چیزو املا رسول اللہ صلی اللہ علیہ وسلمانچا حدیثے بہتور گاوتات۔پہلی چیز مسلمانانلا خوب سلام کیروژا۔چاہے تو ورک اسلیلو رہوندے یا ورک ناتلیلو رہوندے۔رشتہ دار رہوندےیا دورژو رہوندے۔نہانگو رہوندے یا مٹو رہوندے۔تعلق اسلیلو رہوندے یا تعلق ناتلیلو رہوندے۔خلاصہ ہو کہ ہر مسلمانالا سلام کیروژا۔دوسری چیز لوگا سانگاتی ژوکوٹ بات کیروژا۔تیسری چیز مانسالا جووژا۔چوتھی چیزآپسات ایک دوسریلا معاف کیروژا۔پانچویں چیز تکلیف نا غماچا چیزے ورتی صبر یعنی برداشت کیروژا۔چھٹی چیزاپلیا ذاتین دوسریلا تکلیف پاووچا کھنشی پرہیز کیروژا۔ساتھویں چیز ژوکوٹ اخلاق یعنی ژوکوٹ عادتو۔آٹھویں چیزجیبے چی حفاظت کیروژا۔
لکرانو ! اگر امی اللہ وستا ایک دوسریا سانگاتی محبت کیرو تیر ایک فائدہ ہو ہویل کہ امژو اللہ امژا کھنشی اوکو خوش ہویل نا املا قیامتیچا دیس اپلیا عرشا چی ساولی نصیب کیریل۔تیا دیس عرشاچا ساولی ایدمان کھنشی پن ساولی رہونار نای۔سگریا یھار نمبروس نمبر رہویل۔دوسرو فائدہ ہو ہویل کہ امی ایک دوسریاچا جنتیت ایکیا میکیا چی اجازتے ایدمان ایولا زاولا سکو۔کتا بلیار جنتیت درجے استی ۔ایک درجہ ژو مانس دوسریا درجیات اجازتے ایدمان زاولا سکنار نای لیکن اللہ وستا محبت کیرتیلے لوگ اجازتے ایدمان ایک دوسریاچا جنتیت زاولا سکتیل۔ہینان امی اللہ وستا آپسات محبت کیرتالینژا مقام تیجاکھن کیدا مٹا اشے بلون ورکولا سکتو۔